كل الحروف تهرب من أوراقي
وحتى الفكر شارد واحساسي متبلد
وحطت على موانيك سفن الشوق
تعبت .. وتاهت بي الأقدار لبحورك
والترحال .. آه يـ الترحال
يا كثر ما خفف عني أنين الألم
يا كثر ما رسم لي أجمل حلم
وبلحظة قررت أرحل عن مدنك وموانيك
توني ما ابتديت ياقلب العنا
توني كنت بـ أعيش لهفة الحب بـ قليبها
لكن خاب الأمل في قربها
وعرفت إنها توها صغيرة وحالمه
بدري تعيش الحب وهموم عالمه
سرقت مني كل الاهتمام بـ جمال روحها
وأخذت مني كل الاحترام بـ روعة اسلوبها
وكبرت بـ عيني حيل .. يوم صدتني
وتجاهلت وتجاهلت
وفي الأخير تشوفني مثل الأخو ..
وأنا عجزت أشوفها مثل الأخت
قررت انسى لأني ما أقدر أعيش بـ وهم
بـ أكون قريب منك بس بـ صمت
بـ أجمع ذكرياتي وأجمل أحلامي و أودعك
وبـ اقتل كل لهفة توديني لـ الظنون
وبـ ألملم شتات عمري وأرحل لـ موطني
لي عليها تستر على ماواجهت
ولها علي إن روحي ما شرهت
بـ قلمي
Filed under: طباشير | 2 تعليقان »
مدونة شـاهين 