سافر

طيب خاطر

أجمل مقاطع شعريه

خيانه

خيانه .. وانتهت آخر سوالف عشقي المجنون ،،
سوالف عشق … ياما الناس قالتها وعادتها

خيانتها عطت حجه لكل اللي يبي يخونون ,,
ومن هاليله … كل خاين بـ يتعذر بقصتها

ما دام أوفى البشر خانت .. حرام الباقي ينلامون ،،
وكلمات الوفا .. لا عاد أحد يطري لي سيرتها

مكانك هنا

أبطى وخلا سؤال يلهث بـ صدري ،،
مدري يصون الغلا !!  مدري هو يخونه ؟!

ويوم إني أسج بين أدري وما أدري !!
جا عقب البطا يسأل مكاني شلونه ؟!

قلت انت مكانك هنا .. وأشرت ع صدري ،،
وقال وانت مكانك هنا .. وأشر على عيونه